ShQO-da Ulystyń uly kúni qarsańynda jýrnalıster marapattaldy
Áz-Naýryz meıramy qarsańynda oblystaǵy jýrnalıster qaýymy marapattaldy. Sharanyń uıymdastyrylýyna QR Jýrnalıster odaǵynyń ShQO fılıaly muryndyq bolǵan.
«Óńirdegi ózekti máselelerdi kóterip, aımaq jýrnalıstıkasynyń damýyna úles qosyp júrgen áriptesterimizge Alǵys hattar tapsyrdym. Osy sharanyń oıdaǵydaı ótýine qoldaý bildirgen «Kaztsınk» kompanııasyna, Aıagóz, Ulan, Katonqaraǵaı, Besqaraǵaı, Kókpekti aýdandarynyń ákimderine, kásipker Muhtar Toıbazarovqa alǵys bildiremin», - dedi fılıal tóraǵasy Azamat Qasym.
Onyń aıtýynsha, byltyr jýrnalıster kúninde sporttyq saıystar uıymdastyrylǵan bolatyn. Aldaǵy ýaqytta da tilshiler qaýymynyń aýyzbirshiligin arttyrý maqsatynda túrli sharalar atqarylmaq.
Aıta keteıik, shara barysynda buqaralyq aqparat quraldarynyń 11 qyzmetkerine Alǵys hat pen qosa qarjylaı syıaqy tabystaldy.
