ShQO-da ýly gazdy anyqtaıtyn datchıktiń arqasynda 95 jastaǵy keıýana aman qaldy

ÓSKEMEN. QazAqparat – Shyǵys Qazaqstan oblysynda ýly gazdy anyqtaıtyn datchıktiń arqasynda 95 jastaǵy keıýana aman qaldy, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, oqıǵa 26 qańtar kúni saǵat 12.30-da Ulan aýdany Kamenka aýylynda boldy.

Úı ishinde jalǵyzbasty qart áıel ǵana bolǵan. Kenet ýly gazdy anyqtaıtyn datchık dybys berip, iske qosylǵan.

Áreń qozǵalatyn 95 jastaǵy keıýana sıgnaldy estı sala áleýmettik qyzmetkerge habarlasty. Ol óz kezeginde birden kórshisine qońyraý shalyp, kómektesýdi suraǵan.

Kórshisi ájege tútin basqan úıden shyǵýǵa kómektesti. Sodan keıin terezeler men esikterdi ashyp, bólmeni jeldetti.

Qazirgi ýaqytta jergilikti ákimdik qyzmetkerleri ájeniń murjasyn tazartýǵa kómektesip jatyr.

Úı ıesiniń aıtýynsha, bul qurylǵynyń qatty shyqqan dybysy onyń aman qalýyna sep boldy.

«Jyl saıyn áleýmettik qorǵalmaǵan otbasylardyń úılerinde osyndaı datchıkter ornatylyp jatyr. Osy jylytý kezeńiniń aldynda jergilikti atqarýshy organdar men demeýshilerdiń qoldaýymen Shyǵys Qazaqstan aýmaǵynda turatyn 3000-nan astam otbasyn qamtamasyz ettik. Úsh jyldyń ishinde datchıkter iske qosylǵan 8 jaǵdaı tirkeldi. Sonyń nátıjesinde 32 adam, onyń ishinde 22 bala qutqaryldy», - deıdi ShQO TJD bastyǵynyń orynbasary Serik Amangeldın.

Foto: ShQO tótenshe jaǵdaılar departamenti