ShQO-da ýly gazdy anyqtaıtyn datchıktiń arqasynda 7 adam aman qaldy

ÓSKEMEN. QazAqparat – Shyǵys Qazaqstan oblysy Glýbokoe aýdanynda ýly gazdy anyqtaıtyn datchıktiń arqasynda 7 adam aman qaldy, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, oqıǵa Glýbokoe aýdany Verh-Berezovka aýylyndaǵy Kýıbyshev kóshesindegi jer úıde túngi saǵat 02.00 shamasynda bolǵan. Ýly gazdy anyqtaıtyn datchık dabyl qaqqanda otbasy shyrt uıqyda jatty.

Sonyń arqasynda barlyǵy 7 adam, onyń ishinde 3 balasy aman qaldy. Belgili bolǵandaı, ýly gaz shatyrdan shyqqan.

Oqıǵa ornyna qutqarýshylar shuǵyl kelip jetti. Olar aýany arnaıy qurylǵymen tazartty.

«Bul datchık osy úıge bir aı buryn ǵana ornatylǵan edi. Jyl saıyn datchıkter áleýmettik turǵyda osal otbasylardyń úılerine qoıylýda. Bıylǵy jylytý maýsymy aldynda Shyǵys Qazaqstan boıynsha 3000-ǵa jýyq otbasy qamtyldy», - deıdi oblystyq TJD bastyǵynyń orynbasary Serik Amangeldın.