ShQO-da Ulttyq ulan sarbazdary 1 kúnde birneshe uryny ustady
ÓSKEMEN. QazAqparat – Shyǵys Qazaqstan oblysynda Ulttyq ulan sarbazdary 1 kúnde birneshe uryny ustady, dep habarlaıdy QazAqparat tilshisi.
Ulttyq ulan «Shyǵys» óńirlik qolbasshylyǵy baspasóz qyzmetiniń málimetine súıensek, ótken demalys kúnderi 5518 áskerı bóliminiń sarbazdary birneshe uryny qolǵa túsirdi.
«Saǵat 20.00 shamasynda «102» arnasyna qońyraý shalǵan azamat saıajaıyna belgisiz bireýdiń tereze arqyly urlyqqa túskenin aıtqan. Ulttyq ulan jaýyngerleri birden sol mańǵa attanyp, 55-60 shas shamasyndaǵy er adamdy baıqaıdy. Sarbazdardy kórgen ol qasha jónelgen. «Djessı» laqap atty qyzmettik ıttiń kómegimen kúdikti kóp uzamaı qolǵa tústi. Úlbi polıtsııa bólimine jetkizilgen er adam óz kinásin moıyndaǵan», - delingen aqparatta.
Sondaı-aq Óskemendegi «Berezka» dámhanasynda J. esimdi turǵynnyń telefony urlandy. Saǵat 22.40-de Gogol kóshesinde ustalǵan kúdiktiden qoldy bolǵan telefon men uzyndyǵy 21 santımetrlik pyshaq tárkilendi.
«Budan bólek, «102» arnasyna habarlasqan jábirlenýshi Myzy kóshesindegi turaqqa qoıylǵan kóliginen belgisiz bireýdiń 40 myń teńgesin jymqyryp ketkenin málim etken. Sarbazdar oqıǵa ornyna birden jetip, jedel-izdestirý sharalaryn júrgizgen. Sonyń nátıjesinde, Býrov kóshesindegi kópqabatty turǵyn úıdiń aýlasynda ury quryqtaldy. Polıtsııaǵa jetkizilgen er adam óz kinásin moıyndady, - delingen habarlamada.
Barlyq faktiler boıynsha QR Qylmystyq Kodeksiniń 188-babymen (Urlyq) qylmystyq is qozǵaldy.
