ShQO-da túzetý mekemesinde jazasyn óteýshi hakim Abaıdyń portretin saldy
ShQO boıynsha QAJ departamenti baspasóz qyzmetiniń málimetine súıensek, sottalǵan azamat Abaıdyń sýretin salyp, óleńin jatqa oqydy.
№16 túzetý mekemesinde jazasyn ótep jatqan ol asa aýyr qylmys jasaǵany úshin jıyrma jylǵa bas bostandyǵynan aıyrylǵan. Onyń aıtýynsha, shyǵarmashylyqpen bala kezinen aınalysqan. Ásirese, sýret salǵandy jaqsy kórdi. Erkindikten aıyrylǵan sáttiń alǵashqy kúnderinen-aq qolyna qaryndash alyp túrli sýret sala bastaǵan.
«Abaı Qunanbaıulynyń óleńderi esimnen esh ýaqytta shyqpaıdy. Biraq, onyń ár sóziniń danalyqpen aıtylǵanyn endi ǵana túsingendeımin. Uly aqynnyń týǵan kúni qarsańynda onyń portretin salýdy jón kórdim. Osyndaı sýretke qarapaıym qaryndash qana kerek boldy», - deıdi sottalǵan.
Osy rette, mekeme psıhologi Chınara Ibraeva beıneleý óneri sottalǵandardyń jeke tulǵasyn, shyǵarmashylyq áleýetin damytýdyń tıimdi ádisteriniń biri ekenin atap ótti.
