ShQO-da túz dalada janyp ketken er kisi óliminiń jaı-japsary anyqtaldy
ÓSKEMEN. QazAqparat - Shyǵys Qazaqstannyń TJ qyzmeti Abaı aýdanynda er kisiniń máıiti tabylý faktisi boıynsha jaı-japsardy málim etti, dep habarlaıdy «QazAqparat» HAA tilshisi.
«9 shilde kúni Óskemen órt baılanysy ortalyq beketine PCh-49 radıotelefonısinen Qaraýyl aýylynan 45 shaqyrym qashyqtyqta órtengen avtomobıl men onyń ıesiniń órtengen máıiti tabylǵany týraly aqparat kelip tústi. Oqıǵa ornyna materıal jınaý úshin Abaı aýdandyq TJB bastyǵy kelgen», - dep habarlady TJ departamenti.
8 shilde kúni Kókbaı aýyldyq okrýgi Jylysaı ýchaskesinde jalpy aýmaǵy 15 ga bolatyn qurǵaq shóptiń janǵany anyqtaldy. Órtti tórt tehnıkanyń kómegimen jergilikti atqarýshy organnyń 15 órt sóndirýshisi aýyzdyqtaǵan. ShQO TJD órt sóndirý qyzmetiniń kúshi men quraly oqıǵa ornyna shaqyrylmady. 9 shilde kúni bul ýchaskeden tolyǵymen janyp ketken avtomobıl men onyń ıesiniń máıiti tabyldy.
Kináli tulǵalar men zalal anyqtalýda.
