Shyǵys Qazaqstanda tútin tumshalaǵan úıden anasy men eki balasy qutqaryldy
ÓSKEMEN. KAZINFORM — Shyǵys Qazaqstan oblysy Ulan aýdanynda polıtsııa qyzmetkerleri tútin tumshalaǵan úıden anasy men eki balasyn qutqaryp qaldy.
ShQO polıtsııa departamenti baspasóz qyzmetiniń málimetine súıensek, ýchaskelik polıtsııa ınspektory Baqytjan Óteýlın men júrgizýshi Altynbek Mıazev bir otbasyny tútin basqan úıden aman alyp shyqty.
«Polıtsııa qyzmetkerleri «Ýchaske» jedel aldyn alý sharasy barysynda Qasym Qaısenov kentindegi úılerdi aralap júrgen. Sol kezde Baıdeldınov kóshesindegi úıden kóshege júgirip shyǵyp kómek suraǵan qyzdy kezdestirgen», — delingen aqparatta.
Ol úıde jylý júıesinde aqaý shyǵyp, bólme ishin tútin basypty. Sonyń saldarynan bir otbasynyń ómirine qaýip tóngen.
Tártip saqshylary dereý úıge kirip, áıel men onyń eki balasyn dalaǵa shyǵarǵan. Osydan keıin olar qubyrdyń bitelýi men bý jiberetin qazannyń durys jumys istemeýi sebebin anyqtap, órttiń aldyn aldy.
«Birden áreket etip, otbasyn qaýipsiz jerge shyǵardyq. Eń bastysy, qaıǵyly jaǵdaıdy boldyrmaı, ýaqytyly úlgerdik, — deıdi polıtsııa kapıtany Baqytjan Óteýlın.
Otbasynyń anasy polıtsııa qyzmetkerlerine alǵys aıtyp, rızashylyǵyn bildirdi.
Eske salsaq, osyǵan deıin polıtseılerdiń ShQO turǵynynyń kóliginen 240 keliden astam tiri shaıan tapqany habarlanǵan.
