ShQO-da tútinge tunshyqqan eki qarııa aýrýhanaǵa jatqyzyldy

ÓSKEMEN. QazAqparat – Shyǵys Qazaqstan oblysynda tútinge tunshyqqan eki zeınetker aýrýhanaǵa jatqyzyldy, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, Shemonaıha qalasyndaǵy Novoselskaıa kóshesinde turatyn áıel adam kórshi úıden shyqqan tútindi baıqap qalyp, dereý órt sóndirýshilerdi shakyrdy.

Oqıǵa ornyna kelgen №28 órt sóndirý bólimshesiniń qyzmetkerleri tútin tumshalaǵan úı ishine kirip, úsh adamdy qutqaryp qaldy.

«Qutqarýshylar 77 jastaǵy qarııany, 69 jastaǵy áje men 45 jastaǵy áıeldi tereze arqyly syrtqy shyǵaryp úlgerdi. Tútinge tunshyqqan eki zeınetker aýrýhanaǵa jatqyzyldy. Anyqtalǵandaı, úıdi tútin basýyna peshtegi tamaqtyń umyt qaldyrylýy sebep bolǵan», - delingen aqparatta.