ShQO-da tútinge tunshyqqan bala kezdeısoq jandardyń kómegimen aman qaldy
ASTANA. QazAqparat - Shyǵys Qazaqstan oblysy Zyrıan aýdanynda úıinde oıynshyqtaryn órtegen alty jasar bala ómirimen qoshtasa jazdady, dep habarlaıdy «QazAqparat» HAA tilshisi.
Bul týraly ShQO TJD baspasóz qyzmetinen málim etti. Oqys oqıǵa Zyrıan qalasyndaǵy Ǵaryshkerler kóshesindegi úılerdiń birinde tirkelgen. Kezdeısoq ótip bara jatqan kýágerler birinshi qabatttan balanyń kómekke shaqyryp jatqanyn kórip qalǵan. Úıdiń ishinen kók tútin shyǵyp, bala terezeden shyǵa almaı arpalysqan. Kýágerler birden órt sóndirýshilerdi shaqyrǵan.
«Anyqtalǵanyndaı, kishkentaı bala sirińkemen oınap, baıqamaı oıynshyqtaryn órtegen. Tilsiz jaý osy osydan týyndaǵan. Áke-sheshesi dál osy kezde úıinde joq bolǵan. Jarty sharshy metr aýmaq órtengenimen, tútin búkil úıdi alyp ketken. Órt sóndirýshiler esikti buzyp kirip, balany alyp shyqty. Ony dárigerlerge tapsyrdy. Balanyń densaýlyǵyna tónip turǵan qaýip joq», - deıdi vedomstvonyń baspasóz qyzmetinen.
