ShQO-da tústi metall óndirý shahtasynda 61 jastaǵy er adam opat boldy
ASTANA. QazAqparat - 6 tamyzda «Shyǵystústimet» JShS Ertis óndiristik keshenine qarasty Ertis shahtasynda qaıǵyla oqıǵa oryn aldy. Túngi saǵat 22.30-da qoımaǵa júk tıelgen vagondardy jetkizý barysynda birneshe vagon quramadan ajyrap ketip, merdiger kompanııanyń eki jumyskeri vagondar arasynda qysylyp qaldy.
Oqıǵa saldarynan 1954 jyly týylǵan bekitý materıaldaryn jetkizýshi maman mert bolyp, 1962 jyly týylǵan onyń áriptesi aýyr jaǵdaıda Glýbokoe aýdanynyń ortalyq aýrýhanasyna jetkizildi. Qazirgi ýaqytta oqıǵanyń mán-jaıy anyqtalýda. Oqıǵanyń sebebin tekserýmen arnaıy qurylǵan komıssııa aınalyspaq. «KAZ Minerals tobynyń» ujymy marqumnyń otbasy men jaqyndaryna, dostaryna qaıǵyryp kóńil aıtady, dep habarlaıdy kompanııanyń baspasóz qyzmetinen.
