ShQO-da turmysy tómen otbasylardyń úılerine ýly gazdy anyqtaıtyn 1500 datchık ornatylmaq
ShQO Tótenshe jaǵdaılar departamenti baspasóz qyzmetiniń málimetine súıensek, óńirdegi 238 110 turǵyn úı peshpen jylytylady. Onyń ishinde 179 262 jer úı, 31 109 kóppáterli úı bar. Qazirgi ýaqytta qutqarýshylar barlyq sanıtarlyq normalardy saqtaı otyryp, osy úılerdi aralaýdy bastady. Ásirese áleýmettik osal otbasylardyń úılerine basa nazar aýdarylǵan.
«Jyl saıyn órt sóndirýshiler árbir úıde eskirgen elektr symdaryn jáne pesh jabdyqtaryn paıdalaný erejelerin saqtamaýǵa qatysty 2 jáne odan da kóp buzýshylyqtardy anyqtaıdy. Shyǵys Qazaqstanda az qamtylǵan otbasylar, múgedekter, ataýly áleýmettik kómekke muqtaj jalǵyzbasty qarttar turatyn 8172 úı bar. Sýyq túskenge deıin qutqarýshylar atalǵan otbasylardaǵy buryn ornatylǵan órt qaýipsizdigin tekserip, ýly gazdy anyqtaıtyn 5632 datchıkti tekserip shyǵady», - delingen aqparatta.
Sondaı-aq bıyl TJD men «Qazmyrysh» JShS arasynda jasalǵan memorandým aıasynda osyndaı 1500 datchık satyp alynbaq. Olar oblystyń 19 qalasy men aýdanyndaǵy turmysy tómen otbasylardyń úılerine ornatylady.
