ShQO-da túrmege jazyqsyz qamalǵan azamat bostandyqqa shyqty
Oblystyq sot tóraǵasynyń mindetin atqarýshy Qaırat Chakpantaevtyń aıtýynsha, ekskavatorshy Esmurat Áýbákirov Shyńǵystaı aýylynda sý qubyryn tartý jumystaryn júrgizgen. Osy jyldyń qyrkúıek aıynda oǵan ekskavatordy aıdap áketti jáne tehnıkanyń buzylýyna baılanysty jumys berýshige iri materıaldyq shyǵyn keltirdi degen aıyp taǵyldy. Aýdandyq №2 sotynyń úkimimen azamat bes jylǵa bas bostandyǵynan aıyryldy. Alaıda belgili bolǵandaı, sot protsesinde kóptegen zańsyzdyq oryn alǵan.
Jumys kúnderiniń birinde Esmurat Áýbákirov sý qubyrlaryn tartý úshin ekskavatormen aryq qazyp jatty. Jumys ýaqyty bitkende tehnıkany aýlaǵa qaldyryp, dosymen syra ishken. Sol kezde kóshe turǵyndarynyń biri kelip, odan úı aýlasyndaǵy jerdi tegistep berýin surady. Er adam ishimdik ishkenine qaramastan rýlge otyryp, oǵan kómek kórsetken. Osy sátte ekskavatordyń shlangisi jarylyp, esigi zaqymdandy. Sóıtip, jumys berýshi quqyq qorǵaý organdaryna aryz túsirgen.
Esmurat Áýbákirovtiń advokaty Lıýbov Serdıýkovanyń sózinshe, atalǵan fakti boıynsha qaralǵan sot isinde polıtsııa, prokýror, sot jáne memlekettik advokat tarapynan talaı zańbuzýshylyqqa jol berildi.
«Aıyptalýshynyń bir áreketi úshin eki ret sottalýy – adamnyń konstıtýtsııalyq quqyqtarynyń óreskel buzylýy. Osy oqıǵadan keıin Ákimshilik quqyq buzýshylyq ister jónindegi sot er adamdy mas kúıinde kólik júrgizgeni úshin qamaýǵa alý týraly úkim shyǵaryp, júrgizýshi kýáliginen aıyrdy. Sondaı-aq jumys berýshige tóleýge tıis materıaldyq shyǵyn mólsherin aıqyndady. Esmurat bul jazany ótep shyqty. Sodan soń ekskavatordy aıdap áketti degen aıyp taǵylyp, qylmystyq is qozǵaldy», - deıdi ol.
Esmurat Áýbákirov eńbek sharty boıynsha ózi jumys istegen ekskavatordy aıdap áketkeni úshin jaýapqa tartylǵan. Alaıda jumys berýshimen kelisimshart boıynsha ekskavator er adamǵa onyń qyzmettik mindetterine baılanysty arnaıy bekitilgen.
«Atalǵan kelisim boıynsha tehnıkanyń saqtalatyn orny dep sottalǵannyń sol kezdegi turǵylyqty mekenjaıy kórsetilgen. Ol ekskavatordy ózi jóndep, materıaldyq jaýapkershilikti moınyna alyp otyrdy. ıAǵnı, Áýbákirov kólikti zańdy túrde basqarǵan. Al QR QK-niń 200-baby – kólik quralyn zańsyz aıdap áketýge qatysty», - dedi Qaırat Chakpantaev.
Budan bólek, sotqa deıingi tergeý satysynda aıyptalýshyǵa advokat berilmegen. Al sot otyrysynda aýdarmashy da bolmapty.
«Esmurat QHR elinde týyp, Otanyna kóship kelgen qandas. Mektepte qazaq tilin oqyǵan ol oryssha múlde bilmeıdi. Sondaı-aq birinshi satydaǵy sot otyrysynda memlekettik advokat aıyptalýshyǵa qysym kórsetip, óz kinásin moıyndaýǵa kóndirgen. Qazirgi ýaqytta sol quqyq qorǵaýshyǵa qatysty oblystyq advokattar alqasyna jeke uıǵarym shyǵaryldy», - deıdi Lıýbov Serdıýkova.
Búginde apellıatsııalyq sot aýdandyq sot úkiminiń sheshimin joıdy. Osylaısha, 2 aı boıy túrmede ádiletsiz otyrǵan Esmurat Áýbákirov bostandyqqa shyqty. Endi onyń ózine keltirilgen moraldyq zalaldy óndirip alýyna tolyqtaı quqyǵy bar.
