ShQO-da túrmege tyıym salynǵan zattardy kirgizbek bolǵan eki adam ustaldy

ÓSKEMEN. QazAqparat – Shyǵys Qazaqstan oblysynda túrmege qorshaýynan nasybaı men telefon laqtyrmaq bolǵandar ustaldy, dep habarlaıdy QazAqparat tilshisi.

ShQO boıynsha QAJ departamenti baspasóz qyzmetiniń málimetine súıensek, OV 156/3 kolonııasynyń qyzmetkerleri tyıym salynǵan zattardy kirgizbek bolǵandardyń jolyn kesti.

Túrme qorshaýynyń mańynan 49 jastaǵy Óskemen turǵyny ustaldy. Ol túzetý mekemesiniń aýmaǵyna skotchpen oralǵan eki túıinshekti laqtyrmaq bolǵan. Onyń ishinen sım-kartalar, karta men bes uıaly telefon tabyldy.

«Budan bólek, kolonııaǵa 5 bótelke nasybaı kirgizbek bolǵan adam ustaldy. Oqıǵa ornyna jedel-tergeý toby shaqyryldy. Anyqtalǵandaı, quqyq buzýshy jeke kóligimen túrme mańyna jetip, nasybaıdy qorshaý syrtynan ishke laqtyrmaq bolǵan. 30 jastaǵy óskemendik kinásin moıyndap otyr», - delingen aqparatta.