ShQO-da túrmege esirtki ótkizbek bolǵandardyń joly kesildi

ÓSKEMEN. QazAqparat – Shyǵys Qazaqstan oblysy boıynsha Qylmystyq-atqarý júıesi departamentiniń OV-156/18 mekemesinde esirtkini poshta arqyly tasymaldamaq bolǵandardyń joly kesildi, dep habarlaıdy QazAqparat tilshisi.

ShQO boıynsha QAJD baspasóz qyzmetiniń málimetine súıensek, túzetý mekemesinde jazasyn ótep jatqan sottalýshylardyń birine sálemdeme kelgen. Tekserý kezinde tis pastasynyń ishine salynǵan erekshe ıisi bar jasyl zat tabyldy.

«Birden sol jerge quqyq qorǵaý organdarynyń qyzmetkerleri shaqyrylyp, beınetúsirilim júrgizildi. Sot-medıtsınalyq saraptama nátıjeleri boıynsha tárkilengen zattyń keptirilgen marıhýana ekeni anyqtaldy. Onyń salmaǵy 9,34 gramm. Atalǵan fakt boıynsha qylmystyq is qozǵalyp, sotqa deıingi tergeý amaldary júrgizilýde», - dedi mekeme basshysy Aslan Nurbekov.

Vedomstvo ókilderiniń habarlaýynsha, kóbinese túrmege tyıym salynǵan zattardyń ishinde telefondar, aksessýarlar jáne esirtki kirgizýge tyrysatyndar anyqtalady.