ShQO-da týrıster otyrǵan avtobýs batpaqqa batyp qaldy

ÓSKEMEN. QazAqparat – Shyǵys Qazaqstan oblysy Abaı aýdanynda 40 týrıst otyrǵan avtobýs batpaqqa batyp qaldy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, oqıǵa 14 tamyz kúni Abaı aýdany Toqtamys aýylynan 20 shaqyrymdaı jerde bolǵan.

«Qońyr áýlıe úńgirine bara jatqan avtobýsta 40 jolaýshy otyrdy. Kenet jol jónekeı qoǵamdyq kólik batpaqqa batyp qalǵan. Qutqarýshylar men jergilikti atqarýshy organ ókilderi sol jerge shuǵyl kelip jetti», - dep habarlady vedomstvo ókilderi.

Kóp uzamaı olar avtobýsty súırep batpaqtan shyǵarǵan. Týrıstter aman-esen saparlaryn ary qaraı jalǵastyrdy.