ShQO-da turǵyndar narazylyǵyn týǵyzǵan shoshqa fermasynyń ıesine aıyppul salyndy

ÓSKEMEN. QazAqparat – Shyǵys Qazaqstan oblysynda Óskemen qalasy men Glýbokoe aýdany Stepnoe, Shmelev Log aýyldary halqynyń shaǵymynan soń shoshqa fermasyna tabıǵat qorǵaý zańnamasy talaptarynyń saqtalýyna qatysty jospardan tys tekserý júrgizildi, dep habarlaıdy QazAqparat tilshisi.

Osy jyldyń 3 naýryzynda turǵyndar shoshqa fermasy men mal soıý alańynan shyqqan qaldyqtardyń adam densaýlyǵyna jáne tabıǵı ortaǵa keltiretin zııany týraly aıtqan. Budan keıin ShQO Ekologııa departamenti Glýbokoe aýdanyndaǵy «Rodnıchok» sharýa qojalyǵyna tıesili atalǵan fermaǵa tekserý júrgiziletinin habarlaǵan edi.

Anyqtalǵandaı, shoshqa fermasy 2002 jyldan beri jumys istep keledi. Qala ákimdiginiń qaýlysymen sharýa qojalyǵyna jalpy aýdany 19,6 gektar jer 49 jylǵa jalǵa berilgen. Oblystyq Aýyl sharýashylyǵy basqarmasynyń málimetinshe, fermada 9770 bas shoshqa bar.

«Stepnoe eldi mekenindegi shoshqa ósirý keshenine júrgizilgen tekserý barysynda QR Ekologııalyq kodeksiniń 320-baby 3-tarmaǵy 1-tarmaqshasynyń buzylǵany belgili boldy. ıAǵnı, shoshqa kóńi ashyq dalaǵa tógilgen. Fermada qaldyqtardy esepke alý da júrgizilmegen. Zerthanalyq zertteýler shoshqa fermasynyń aýmaǵynda jáne odan tys jerlerde topyraq qabatynyń ammonıı tobynyń zııandy zattarymen lastanǵanyn kórsetti. Fermadan budan basqa da zańbuzýshylyqtar anyqtaldy. Soǵan oraı jeke kásipker birneshe bap boıynsha ákimshilik jaýapqa tartyldy. Qazir ol 500 myń teńgeden astam mólsherde aıyppul tóledi», - dep habarlady departamenttiń baspasóz qyzmeti.

Departament mamandary sharýa qojalyǵynyń ıesine zańbuzýshylyqtardy joıý boıynsha is-sharalar josparyn 10 kún ishinde ázirleý qajettigi týraly uıǵarym shyǵardy.