ShQO-da turǵyn úılerge qyzyl sý qaýip tóndirdi
ÓSKEMEN. QazAqparat - Aptaǵa sozylǵan aıazda Ertistiń sýy qatyp, Glýbokoe aýdandaǵy aýylǵa qyzyl sý jaıyldy, dep habarlaıdy QazAqparat tilshisi.
Glýbokoe aýdanynyń Ývarov aýylynda Ertistiń arnasyna muz keptelip, kóshege qyzyl sý jaıyldy. Sý aýylǵa eki jerden jaıylǵan.
«Keshe Ývarov aýylyna Ertisten sý jaıyla bastaǵany týraly habar túsken. Ózenniń bul bóligi onsyz da nazarymyzda bolatyn. Sondyqtan qyzyl sýdyń aýylǵa jaıylýyna jol bermedik. Kólkigen sýdy aýyzdyqtaýǵa aýyl turǵyndary da jumyla kómektesti, - deıdi Kırov aýyldyq okrýginiń ákimi Erlan Jumaǵulov.
Ákimniń aıtýynsha, oqıǵa der kezinde baqylaýǵa alynbaǵan jaǵdaıda M.Gorkıı, Lenın, Solnechnyı, Beıbitshilik kósheleriniń 50-ge jýyq úıi qyzyl sýdyń qursaýynda qalar edi. Qazir arnanyń muz keptelgen bóligi arshylyp, ózen erneýine túsken. Erlan Jumaǵulov sýdyń qaıtýyna aıazdyń synýy da áser etkenin aıtady. Al aýylǵa sý kirýi múmkin jerlerdiń barlyǵyna bóget ornatyldy.
