ShQO-da turǵyn úıde bolǵan órtte eki adam mert boldy
ASTANA. Qyrkúıektiń 15-i. QazAqparat - Shyǵys Qazaqstan oblysynda turǵyn úıde bolǵan órtte eki adam mert boldy. Bul týraly Qazaqstannyń Tótenshe jaǵdaılar mınıstrliginen málim etti.
Órt qyrkúıektiń 14-inen 15-ine qaraǵan túni, saǵat 2 shamasynda Ulan aýdany Tavrııa aýylyndaǵy eki qabatty turǵyn úıdiń birinshi qabatynda ornalasqan páterden shyqty.
ShQO boıynsha TJD órtke qarsy qyzmetiniń shuǵyl áreket etýi nátıjesinde tilsiz jaý bir saǵattyń kóleminde aýyzdyqtaldy. 7 adam qaýipsiz jerge kóshirildi. Órt ornynda 26 jáne 42 jastaǵy eki azamattyń máıitteri tabyldy.
