ShQO-da turǵyn úı qurylysynyń qarqyny jyl saıyn arttyrylady
ÓSKEMEN. QazAqparat – Shyǵys Qazaqstan oblysynda salynyp jatqan turǵyn úıler sany edáýir arttyrylmaq, dep habarlaıdy QazAqparat tilshisi.
Bul jaıly aımaq basshysy Danıal Ahmetov óziniń Facebook jelisindegi jeke paraqshasynda jazdy.
«Shyǵys Qazaqstanda turǵyn úı qurylysynyń jańa baǵdarlamasyn júzege asyratyn 12 qurylys kompanııasynyń ókilderimen kezdestim. Bıyldan bastap óńirde salynyp jatqan úılerdiń sanyn edáýir arttyrýǵa, kórsetkishti 26 mıllıon sharshy metrge deıin jetkizýge jáne ony jyl saıyn kóbeıtýge bel býdyq. Sondyqtan jeke ınvestıtsııalardy tartý úshin kommertsııalyq turǵyn úı salý tetigi ázirlendi. Memleket esebinen barlyq qajetti kommýnıkatsııalar júrgiziletin bolady», - dedi ol.
Alǵashqy 12 kompanııa jumys isteýge daıyn ekenderin bildirip, jıynda óz jobalaryn usynǵan. Mysaly, «Deıneka» JShS Óskemende aýmaǵy 23,7 myń sharshy metrdi quraıtyn 243 páter salsa, «Fırma Azııa» JShS Semeıde úsh kópqabatty úıdiń qurylysyn bastaıdy.
«Investorlar qurylys alańdarymen jáne seriktestik sharttarymen tanysty. 10 kúnnen keıin barlyq qajetti qujattarǵa qol qoıylady. Bul qadam bizge ádette bas merdigerlermen bolatyn keleńsizdikterdi túbegeıli joıýǵa múmkindik beredi. ıAǵnı, endi qurylys alańyn tańdaýdan bastap aýmaqty túpkilikti abattandyrýǵa deıingi jumys tolyq bir kompanııa mindetine kiredi. Kelesi aptada «Ertis« áleýmettik-kásipkerlik korporatsııasymen birge «Birqabatty Shyǵys« baǵdarlamasy boıynsha jeke turǵyn úı qurylysymen aınalysatyn kompanııa ókilderimen kezdesemin», - dedi Danıal Ahmetov.
Onyń aıtýynsha, bul baǵdarlama aıasynda ár sharshy metr quny retteletin bolady. Máselen, Semeıdegi birqabatty úıdiń sharshy metri 140 myń teńge bolsa, Óskemende 160 myń teńgeni quraıdy. Qajet bolǵan jaǵdaıda, qurylys kompanııalaryna úılerdiń buǵan deıin ázirlengen jobalary usynylmaq.
«Búgingi tańda óńir turǵyndarynyń depozıtterinde 460 mıllıard teńge jatyr. Bul olardyń baspana satyp alý qabiletiniń óte joǵary ekenin bildiredi. Al qurylystyń jańa tetigin qoldanatyn alǵashqy ınvestorlar eń tıimdi sharttarǵa ıe bolady», - dedi oblys ákimi.
