ShQO-da turǵyn úı qurylysyn kúsheıtý úshin jeke kompanııalarǵa jeńildikter jasalady
ÓSKEMEN. QazAqparat – Shyǵys Qazaqstan oblysynda turǵyn úı qurylysyn kúsheıtý úshin jeke kompanııalarǵa jeńildikter jasalmaq, dep habarlaıdy QazAqparat tilshisi.
Aımaq basshysy Danıal Ahmetov ShQO Qurylys, sáýlet jáne qala qurylysy basqarmasyna kommertsııalyq turǵyn úı qurylysynyń aldaǵy bes jylǵa perspektıvalyq josparyn jasaýdy tapsyrdy. Ákimniń aıtýynsha, jeke qurylys kompanııalary salatyn páterlerge suranys artyp keledi.
«Eger memleket jeńildik beretin bolsa, onda qurylys fırmalary da jobalardy iske asyrýǵa jaýapkershilikpen qarap, senimdi seriktes bolýǵa talpynady. Sonda bári ádil ári eki jaqqa da tıimdi bolady. Mundaǵy jeńildik degenimiz, jeke qurylys kompanııalarymen yntymaqtasa jumys isteýdiń jańa tásili. Máselen, memleket ınjenerlik-kommýnaldyq ınfraqurylymy bar daıyn úlgilik jobalar men jer ýchaskelerin beredi. Al fırmalardan ınvestıtsııa, qurylys alańdaryndaǵy tártipti saqtaý jáne jumystardy merziminen keshiktirmeı aıaqtaý talap etiledi», - dedi Danıal Ahmetov.
Qazirgi ýaqytta jergilikti bılik «Nurly jol» jáne «Sport» shaǵyn aýdandarynda 34 turǵyn úı qurylysynyń jobalyq-smetalyq qujattamasyn daıyndaǵan. Josparda – aınalma joldardyń mańaıyna baspana salý jáne oblystyń basqa qalalary men aýdandarynda da salynýy tıis úılerdiń jobalary bar.
«Kommertsııalyq turǵyn úı qurylysy – perspektıvaly baǵyttardyń biri. Óıtkeni, ol halyq arasynda suranysqa ıe jáne jalpy turǵyn úı máselelerin sheshýde tıimdi baǵyt. Eger 2019 jyly osyndaı 32 myń sharshy metr turǵyn úı salynǵan bolsa, bıyl jalpy aýdany 244 myń sharshy metrdi quraıtyn 36 úıdi paıdalanýǵa beremiz», - dedi ShQO ákimi.
