ShQO-da Tuńǵysh Prezıdent kúnine oraı oqýshylar arasynda Biryńǵaı dıktant kúni ótti
Shyǵys Qazaqstanda «100 naqty qadam» Ult josparyn iske asyrý aıasynda 12 jyldyq bilim berýdi kezeń-kezeńmen engizý, sondaı-aq oqýshylardyń fýnktsıonaldyq saýattylyǵyn damytý úshin oqytý standarttaryn jańartý sheńberinde QR Tuńǵysh Prezıdenti kúnine oraılastyrylǵan «Biryńǵaı dıktant kúni» ótti. Dıktant jazýǵa oblystyń 336 mektebiniń 8 synyp oqýshylary qatysty. Balalar úsh tildegi aýdıojazbalardy tyńdap baryp test suraqtaryna jaýap berdi.
«Aýdıolar aǵylshyn, qazaq jáne orys tilderinde boldy. Suraqtar úsh taqyrypta ázirlengen, atap aıtqanda «Elbasy joly», «Eýrazııa júreginde», «Kazakhstan-The Land of Wonders». Balalardyń kompıýterlik saýattylyǵy, kúrdeli mátinderdi túsinýi jáne olardy túsindirýi, belgili bir tapsyrmany oryndaý qabilettiligi tekserildi. Nátıjesinde oqýshylardyń boıynda uqyptylyq, nátıjelerge synı turǵydan qaraý jáne erkin oılaı bilý syndy qabiletter damıdy. Osynyń barlyǵy oqýshylardyń fýnktsıonaldyq saýattylyǵyn qalyptastyrýdyń negizgi ındıkatorlary. Aqparattyq saýattylyq balalardyń mátindi aqparatpen jumys isteı bilýin qalyptastyrýǵa jáne damytýǵa yqpal etedi», - dep habarlady óńirlik bilim berýdegi jańa tehnologııalar ortalyǵynyń mamandary.
Oblystyń segizinshi synyp oqýshylary jaqsy nátıje kórsetti, atap aıtqanda fýnktsıonaldyq saýattylyq boıynsha bilim sapasy 88%-dy, aqparattyq saýattylyq boıynsha 92% -dy qurady.
Aıta keteıik, joba 2017 jyldan bastap júzege asyrylýda. Mundaı dıktanttar Qazaqstan Respýblıkasynyń ataýly kúnderine arnalǵan kúntizbelik is-sharalar qarsańynda ótkiziledi. Búgingi tańda 50 ınteraktıvti dıktant ótkizilip, oǵan 48 myńnan astam oqýshy qatysty. Sonymen qatar jalpy bilim beretin pánder boıynsha 12,5 myńnan astam oqýshyny qamtıtyn 80 testileý ótti.
Qashyqtan oqytý kezinde jobany paıdalanýdyń negizgi artyqshylyǵy oqýshylardyń bilim sapasyna monıtorıng júrgizý ǵana emes, sondaı-aq materıaldy óz betinshe zertteý jáne bilimdi tekserý úshin platforma qurýdyń múmkindigi. Nátıjeni dıktant nemese pándik testten keıin birden bilýge bolady. Arnaıy baǵdarlama qatelikter jiberilgen baǵalar men taqyryptardan bólek ár oqýshyǵa jeke usynystar men tapsyrmalar beredi.
