ShQO-da týberkýlezdiń qaýipti túrin juqtyrǵan 6 adam izdestirilip jatyr
ASTANA. QazAqparat - «Týberkýlez aýrýynyń aldyń alý joly - jańa týǵan nárestelerdi vaktsınatsııalaý. Bıyl oblys perzenthanalarynda 16950 shaqalaq egilgen. Bul - jalpy týǵan balalardyń 97,4 paıyzy. Bul týraly altaynews habarlaıdy.
«Keıbir ata-analar ekpeden bas tartady. Ondaı másele bar. Jyl basynan beri 94 balanyń áke-sheshesi vaktsınatsııa saldyrtýǵa qarsy boldy. Mundaı jaǵdaılar kóbinese Óskemen, Semeı, Zyrıan qalalarynda kezdesti», - dep túsindirdi densaýlyq saqtaý basqarmasynyń basshysy Marat Shoranov.
Ókpe dertiniń asqynǵan túrimen aýyratyndar - qoǵam úshin óte qaýpti. Olar qoǵamnan oqshaýlanýy tıis. Oblysta osyndaı 27 azamat bar. Olardyń 25-i - bakterııa taratýshy. Qazir 15-i statsıonarda oqshaýlanǵan, 4-ýi úıinde emdelýde, al qalǵan altaýy izdeýde júr. Sondaı-aq, túrmeden bosap shyqqan 21 aýrý azamat esepke alynǵan.
«Naýqastarǵa áleýmettik kómek kórsetilýde. Osy jyldyń 10 aıynda 848 naýqasqa 56265,4 myń teńge qarjy bólingen. Keler jyldyń 15 qańtaryna deıin bizdiń basqarma týberkýlezdiń aldyn alý boıynsha is-sharalar josparyn ázirlep, usynady», - dedi Marat Shoranov.
