ShQO-da týberkýlezben syrqattaný deńgeıi 38 paıyzǵa tómendedi
Aımaq basshysy Danıal Ahmetov qala jáne aýdan ákimderimen, basqarma basshylarymen 2021 jylǵy áleýmettik-ekonomıkalyq damý qorytyndylary boıynsha keńes ótkizdi.
«Ónerkásip pen agrarlyq sektor boıynsha qarqyndy ósim baıqalady. Agroónerkásip kesheni salasynda 600-den astam joba iske asyrylyp, jańadan 1500 jumys orny quryldy.Qurylys salasynda da jaqsy kórsetkishterge qol jetkizildi. Aıagóz jáne Zaısan aýdandarynda kommertsııalyq turǵyn úılerdi paıdalanýǵa berýdiń oń qarqynyn atap ótkim keledi. ıAǵnı, atalmysh aýdandardyń ákimderi jergilikti jerlerde júıeli jumys atqarýda. Barlyq ákimderge bul úlgi bolý kerek», - dedi oblys ákimi.
Onyń aıtýynsha, eldi meken turǵyndary neniń jáne qashan salynatynyn nemese jóndeletinin naqty bilýi úshin jergilikti ákimder aqparattyq súıemeldeýdi qamtamasyz etýi tıis.
«Densaýlyq saqtaý salasynda dárigerlerdiń úzdik sheteldik klınıkalarda biliktiligin arttyrý boıynsha jumysty jalǵastyrýdamyz. Onkologııa jáne qan aınalymy júıesi aýrýlary salasyndaǵy mamandarǵa basymdyq berilýde. Búginde óńirde týberkýlezben syrqattaý deńgeıi 38 paıyzǵa tómendedi. Bul - ortaq istiń nátıjesi», - dedi Danıal Ahmetov.