ShQO-da «tramadol» syndy preparattardy zańsyz satqan 4 dárihana anyqtaldy

ÓSKEMEN. QazAqparat – Óskemen qalasynda «tramadol» syndy preparattardy zańsyz satqan 4 dárihana anyqtaldy, dep habarlaıdy QazAqparat tilshisi.

Qalalyq Polıtsııa basqarmasy baspasóz qyzmetiniń málimetine súıensek, polıtsııaǵa habarlasqan shahar turǵyndary nashaqorlardyń ózderine qajetti preparattardy dárihanadan esh kedergisiz alyp jatqanyna shaǵymdandy. Soǵan oraı tártip saqshylary dárihanalarǵa reıd júrgizdi.

«Anyqtalǵandaı, tórt dárihana «tramadol» men «tropıkamıd» preparattaryn retseptsiz satqany anyqtaldy. Esirtkige táýeldi adamdar áserdi kúsheıtý úshin atsetıldengen kóknárdi osy dáriler arqyly qoldanady», - delingen aqparatta.

Polıtseıler kináli azamattardy QR ÁQBtK-niń 426-baby (farmatsevtıkalyq qyzmet jáne dárilik zattar men medıtsınalyq buıymdardyń aınalysy salasyndaǵy erejelerdi buzý) boıynsha ákimshilik jaýapqa tartty.