ShQO-da traktor aýdarylyp qaldy
ASTANA. QazAqparat - Shyǵys Qazaqstan oblysynyń Zyrıan aýdanynda T-40 traktory aýdarylyp, onyń júrgizýshisi 19 jastaǵy jigit zardap shekti, dep habarlaıdy «QazAqparat» HAA tilshisi.
ShQO jumyldyrý daıyndyǵy basqarmasynyń baspasóz qyzmetinen habarlaǵandaı, oqys oqıǵa keshe, ıaǵnı 10 qyrkúıek kúni saǵat 19:30 shamasynda Zyrıan aýdanynyń Turǵysyn aýylynda tirkelgen.
«Shóp shabý naýqany kezinde 1998 jylǵy azamat kólik tizgininen ıe bola almaı, T-40 traktorymen aýdarylyp qalǵan. Zardap shegýshi kóptegen jaraqattarymen Ortalyq aýdandyq aýrýhanaǵa jetkizildi», - dep habarlaıdy vedomstvodan.
Qazirgi ýaqytta atalǵan jol-kólik oqıǵasynyń mán-jaıy anyqtalý ústinde.
