ShQO-da tótenshe jaǵdaı qyzmetteri táýliktik rejimde jumys isteýde
ÓSKEMEN. QazAqparat - ShQO tótenshe jaǵdaılar departamentiniń janyndaǵy daǵdarys ortalyǵy táýliktik rejimde jumys isteýde, dep habarlaıdy QazAqparat tilshisi.
Departamenttiń baspasóz qyzmetiniń habarlaýynsha, sý jaıylǵan oryndarda turaqty monıtorıng júrgizilýde.
«Tabıǵattyń tosyn minezi saldarynan 40 jer úı, 138 aýla, 110 saıajaı ǵımaraty sý qursaýynda qaldy», - delingen departament aqparatynda.
Aıagózdiń tasqynnan zardap shekken turǵyndary bilim oshaqtaryna ornalastyrylsa, óskemendikter úshin «Úlbi» halyqqa qyzmet kórsetý ortalyǵy daıyn tur.
Al Ulan jáne Kúrshim aýdandarynda sý alǵan joldarda qozǵalys qalpyna keltirildi. Ulan aýdanynyń Mamaı batyr aýylynda kópirge syımaǵan sý aýylǵa jaıylmas úshin joldy jyrýǵa týra kelgen. Qazir munda sý deńgeıin túsken. Al turǵyndar qosymsha jolmen qatynaýda. Osy aýdannyń Asýbulaq aýylynda 10 bas jylqy qaýipsiz jerge shyǵaryldy.
Oblys boıynsha 3724 tekshe metr sý sorylyp, 815 qumqap tóselgen. Apat qurbandary joq.
