ShQO-da tótenshe jaǵdaı qyzmetkerlerine 11 órt sóndirý kóligi tapsyryldy
ÓSKEMEN. QazAqparat – Shyǵys Qazaqstan oblysynda TJ qyzmetkerlerine 11 órt sóndirý kóligi tapsyryldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, búgin qutqarýshylarǵa 11 órt sóndirý kóligi tapsyryldy.
«Bul kólikter órtterdi sóndirýge jáne apattyq-qutqarý jumystaryn júrgizýge arnalǵan. 2020 jyly «ATs-5-40» jáne «Kamaz» bazasynda shyǵarylǵan tehnıkanyń ótimdiligi joǵary jáne 5 tonna sýdy tasymaldaýǵa múmkindik beredi», - dep habarlady vedomstvo ókilderi.
Bes kólik Óskemen qalasynda qalsa, ekeýi Semeıge jiberilmek. Al Zaısan, Glýbokoe jáne Besqaraǵaı aýdandary men Rıdder qalasyna bir tehnıkadan tapsyrylady.
