ShQO-da tótenshe jaǵdaı kezinde balasynyń týǵan kúnin jasaǵan áıelge aıyppul salyndy
ÓSKEMEN. QazAqparat – Shyǵys Qazaqstan oblysy Aıagóz aýdanynyń turǵyny otbasylyq sharalardy ótkizýge tyıym salynǵanyna qaramastan úıde balasynyń týǵan kúnin toılatqan, dep habarlaıdy QazAqparat.
ShQO polıtsııa departamenti baspasóz qyzmetiniń málimetine súıensek, óńirde tótenshe jaǵdaı rejımindegi shekteýdi saqtamaǵandar anyqtalýda. 30 naýryz kúni áıel adam 14-ke tolǵan ulynyń týǵan kúnin jasaǵan. Osy tektes fakti Semeıde de tirkelipti. Naýryzdyń 28-inde qala turǵyny jergilikti dámhanalardyń birine qonaq shaqyryp, sábıli bolýyn atap ótken.
«Eki jaǵdaıda da zańbuzýshylyqqa jol bergender sot sheshimimen 10 AÁK mólsherinde aıyppul tóleýge mindetteldi. Osy rette aımaq jurtshylyǵyna TJ kezindegi shekteýlerge jaýapkershilikpen qaraý kerektigin eskertemiz. Zań talaptarynyń saqtalýy koronavırýstyń taralý qaýpin barynsha tómendetedi», - dep habarlady vedomstvo ókilderi.
