ShQO-da tótenshe jaǵdaı kezinde 1,3 myń turǵynǵa qatysty ákimshilik is qaraldy
ÓSKEMEN. QazAqparat – Shyǵys Qazaqstan oblysynda tótenshe jaǵdaı kezinde shekteý sharalaryn buzǵan 1 356 adamǵa qatysty ákimshilik is qaralǵan, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, TJ rejımi jarııalanǵannan beri óńir polıtseıleri kóshelerdi patrýldep, birneshe márte reıd jumystaryn júrgizgen. Sonyń nátıjesinde shekteýdi saqtamaǵan turǵyndar anyqtalyp, olarǵa qatysty ákimshilik hattama toltyrylǵan.
«Jalpy óńirimizde QR ÁQBtK-niń 476-baby (Tótenshe jaǵdaı rejımin buzý) boıynsha 1356 jáne jáne 479-babyna (Tótenshe jaǵdaı kezinde quqyqtyq tártipti buzýǵa ıtermeleıtin áreketter)qatysty 17 ákimshilik is qaraldy. Sot 845 adamǵa eskertý jasasa, 284 adamǵa 10-40 AEK mólsherinde aıyppul salyndy. Sondaı-aq 227 adam qamaýǵa alynǵan», - deıdi departamenttiń baspasóz hatshysy Áıgerim Nurǵazına.
