ShQO-da tórt kólik janyp ketti
ÓSKEMEN. QazAqparat - Demalys kúnderi óńirde júrip kele jatqan eki kólik, avtoturaqta eki kólik órtke orandy.
Óskemende keshe ıAroslavskıı kóshesi boıynsha júrip kele jatqan «Mıtsýbıshı Charıot» kóliginiń qozǵaltqyshynan órt shyqty. Kóliktiń qozǵaltqysh bóliginiń bólshekteri, salonnyń ishki qaptamasy, oryndyq, aspaptar paneli, dóńgelek qaqpaǵy janyp ketti. Jalyn 1998 jyly shyqqan kóliktiń 4 sharshy metrin sharpydy, dep habarlady TJD.
Osyǵan uqsas oqıǵa Semeıde de oryn aldy - AUDI (1990 jylǵy) kóliginiń motor bóliginde bólshekter janyp ketti.
Qalǵan eki jaǵdaı Glýbokovskıı, Tarbaǵataı aýdandarynda oryn aldy. Jekemenshik úıde aýlada avtoturaqta turǵan «Prıora» (2007 jyly shyqqan) kóligi órtke orandy. Berezevka aýylynda jazǵy ashanandan garajǵa ótken jalyn «Lada grant» markaly kóliktiń tolyqtaı janyp ketýine alyp keldi.
Úsh jaǵdaıda da qaýpi joǵary agregatty abaılamaı qoldaný nusqasy pysyqtalýda.
Búginde óńirde kólik otqa orynǵan 109 jaǵdaı tirkeldi. Abyroı bolǵanda, qurbandar joq, - dep atap ótedi TJD.
