ShQO-da tórt er adam sý qubyry qudyǵyna batyp ketti
ASTANA. QazAqparat - Úrjar aýylynda sý qubyry kompanııasynyń eki qyzmetkeri qudyqqa túsip, tunshyǵyp qaza boldy. Olarǵa kómekke umtylǵan eki adam da ýytty gazdan ýlanyp, birden mert boldy, dep habarlady YK-news.kz.
Búgin Úrjar aýylynda Rysqulov kóshesi boıynsha qaıǵyly oqıǵa boldy. Aldyn ala aqparatqa sáıkes, kúndiz sý qubyry kompanııasynyń úsh qyzmetkeri qudyqtardyń birine túsip, ekeýi de birden esterinen tanyp qaldy. Syrtta qalǵan úshinshi qyzmetker kómek shaqyra bastady. Járdemdesýge umtylǵan eki júrginshi qudyqtyń túbine túsip, olar da qas-qaǵym sátte kóz jumdy.
«Shaqyrtýdan keıin oqıǵa ornyna ÓB-60 órt sóndirýshileri jetti», - dep habarlady ShQO TJ baspasóz qyzmetinen.
Qutqarýshylar arnaıy kostıýmde, ottegi betperdesimen 2,5 metrlik tereńdikke túsip, qaza tapqan tórt adamnyń múrdesin syrtqa shyǵardy. Olardyń qaıtys bolýyna qudyqta uzaq ýaqyttan beri jınalyp qalǵan ýytty gaz sebep boldy. Qaıǵyly jaǵdaıdyń mán-jaıyn ókiletti organdar anyqtaýda.
