ShQO-da topyraq astynan shyǵarylǵan jumysshynyń jaǵdaıy belgili boldy

Shyǵys Qazaqstan oblysy Glýbokoe aýdanyndaǵy kenishte topyraq astynan shyǵarylǵan jumysshy dárigerlerdiń baqylaýynda, dep habarlaıdy Kazinform. 

ShQO densaýlyq saqtaý basqarmasy baspasóz hatshysy Ásem Qaıratbek Kazinform agenttiginiń tilshisine qutqarylǵan jumysshynyń densaýlyǵy qandaı jaǵdaıda ekenin aıtyp berdi. 

«Jumysshy topyraq astynan shyǵarylǵan soń birden Glýbokoe aýdanyndaǵy aýrýhanaǵa jetkizilgen. Oǵan barlyq qajetti medıtsınalyq kómek kórsetildi. Dıagnostıka, rentgen jasalyp, tıisti analızder alyndy. Naýqas eseńgirep qalǵan joq, hırýrgtiń qaraýynan ótti. Denesinde synyqtar joq. Jumysshy dárigerlerdiń baqylaýynda», - deıdi ol. 

Aıta keteıik, osyǵan deıin ShQO-daǵy kenishte eki jumysshy topyraq astynda qalǵany habarlanǵan. Qazirgi ýaqytta onyń biri áli shyǵarylmady. Qutqarý jumystary jalǵasyp jatyr.