ShQO-da tolassyz jaýyn sońy tasqynǵa ulasty
ÓSKEMEN. QazAqparat - Shyǵys Qazaqstannyń Glýbokoe aýdanyna qarasty Chernogorka aýylyna sý jaıylyp ketti, dep habarlaıdy QazAqparat tilshisi.
Sınoptıkterdiń aıtýynsha, keshegi bir kúnniń ózinde Shyǵys Qazaqstanǵa bir aılyq jaýyn-shashynnyń 23%-y túsken. Jyldyń bul mezgilinde aılyq mólsher 43 mm ekenin eskersek, keı jerlerde bir kún ishine jaýyn kólemi 10 mıllımetrge jetken. Tolassyz jańbyrdan Glýbochanka ózeni arnasyna syımaı, saldarynan jaǵalaýǵa jaqyn 10 aýla men 4 úıge sý kirgen.
«Ózen arnasynyń tarlyǵy tasqynǵa sebep boldy. Jyldar boıy sý joly aǵash pen butaǵa tolyp, arnanyń tabany taıazdap ketken. Tótenshe jaǵdaı qyzmeti jergilikti ákimdikke ózen arnasyn arshý kerektigin talaı ret eskertken bolatyn», - delingen tótenshe jaǵdaı departamentiniń baspasóz aqparatynda.
Qazirgi tańda sý deńgeıi túsken. Al tótenshe jaǵdaı qyzmeti sý alǵan aýla men úılerdi sorǵytyp jatyr. Degenmen, sınoptıtker óńirde jaýyn-shashyn áli saqtalatynyn eskertip otyr. Keı jerlerde tolassyz nóser ózge de ózenderdi arnasynan shyǵaryp, sel týyndatýy múmkin.
Eske salsaq, 2018 jyldyń kókteminde osy Glýbochanka ózeni tasyp, boıynda jatqan birneshe eldi mekende ondaǵan úıge sý kirgen bolatyn.
