Tyıym salynǵan aýmaqta 733 keli balyq ustaǵan 5 kúdikti qolǵa tústi
ASTANA. KAZINFORM – Shyǵys Qazaqstan oblysynda tyıym salynǵan aımaqta zańsyz balyq aýlaǵan bes adam ustaldy. Bul týraly Polisia.kz saıty habarlaıdy.
ShQO Polıtsııa departamentiniń Uıymdasqan qylmysqa qarsy kúres basqarmasy qyzmetkerleri Buqtyrma sý qoımasy jaǵalaýynda balyq resýrstaryn asa iri kólemde zańsyz aýlaý deregin anyqtaǵan.
Oqıǵa ornynda bes kúdikti ustalyp, polıtseıler olardyń qaıyqtary men avtokólikterin, sondaı-aq balyq tasymaldaýǵa arnalǵan tirkemelerin tárkiledi.
Zań buzýshylar jalpy salmaǵy 733 keli bolatyn sazan, shortan, kókserke, qarakóz jáne taban syndy ártúrli balyq túrlerin ustaǵan. Tabıǵatqa keltirilgen zalaldyń kólemi shamamen 5 mıllıon teńgege baǵalanyp otyr.
Qazirgi ýaqytta atalǵan derek boıynsha sotqa deıingi tergeý amaldary júrgizilýde. Tergeý nátıjesinde protsestik sheshim qabyldanatyn bolady.
Aıta keteıik, úsh oblysta brakonerlerge qatysty 33 qylmystyq is qozǵaldy.