ShQO-da tikushaq apaty boıynsha tergeý amaldary júrgizilýde
ASTANA. QazAqparat - Shyǵys Qazaqstan oblysynda tikushaqtyń qulaýy boıynsha tergeý júrip jatyr, dep habarlady Kóliktegi ІІD baspasóz qyzmetinen.
«Gazelle SA-341» markaly tikushaqtyń apatqa ushyraý faktisi QR QK 344-baby 2-bólimi boıynsha Semeı stansysyndaǵy Jelilik ishki ister bóliminde sotaldy tergeýdiń biryńǵaı tizilimine tirkeldi», - delingen habarlamada.
Qazirgi ýaqytta oqıǵa ornynda QR ІІM Kóliktegi ІІD shuǵyl-tergeý tobynyń qyzmetkerleri jumys jasaýda.
Tergeý amaldary júrip jatyr.
Buǵan deıin QR Investıtsııalar jáne damý mınıstrligi qulaǵan tikushaqtyńıesi anyqtalǵandyǵyn málim etken bolatyn.
Eske sala ketsek, keshe Shyǵys Qazaqstan oblysynda jekemenshik «Strekoza 7-Gazelle SA341» tikushaǵy apatqa ushyrady. Ony izdeýge búgin tańerteń oblys ortalyǵynan bortynda qutqarýshylar toby jáne ShQO TJD basshysynyń orynbasary bar MI-8, Semeı qalasynan MI-17 áskerı tikushaǵy ushyp shyqty. ShQO TJD daǵdarys ortalyǵynda jáne Aıagóz aýdanynda jedel shtab quryldy.
«S-341»-di Almaty oblysynan izdeýge attandyrylǵan jeke kompanııanyń MI-2 tikushaǵy tapty.
«Qazaeronavıgatsııanyń» málimetinshe, joǵalǵan tikushaq Aıagóz qalasynan soltústik batysqa qaraı 60 km jerden tabyldy. Olardyń habarlaýynsha, ushqysh qaza tapqan. Aman qalǵan bir jolaýshy Aıǵyz aýylyna jetkizildi.
