ShQO-da terrorızmdi nasıhattady degen kúdikpen 18 jastaǵy jigit ustaldy
Búgin, 27 jeltoqsanda Ulttyq qaýipsizdik komıteti terrorızmdi nasıhattady degen kúdikpen Shyǵys Qazaqstan oblysynyń 18 jastaǵy turǵynyn ustady, dep habarlaıdy Kazinform.
Tergeý barysynda onyń turǵylyqty jerinen dinı ádebıetter tárkilendi.
Qylmystyq kodekstiń 256-baby 2-bóligi boıynsha sotqa deıingi tergeý júrip jatyr.
Buryn ustalǵan adamǵa qylmystyq qýdalaýǵa ákep soǵýy múmkin zańsyz áreketke jol bermeý jóninde birneshe ret eskertilgen.
Oǵan resmı saqtandyrý jarııalanǵan.
Aldyn alý sharalaryna qaramastan ol qylmystyq áreketin jalǵastyra berdi.
Qylmystyq-protsestik kodekstiń 201-babynyń 1-bóligine sáıkes ózge aqparat jarııalanbaıdy.
Ulttyq qaýipsizdik komıteti áleýmettik jelilerde taratylatyn radıkaldy ıdeologııanyń, ásirese jastarǵa destrýktıvti áser etý qaýpin eske salady.
Ekstremıstik mazmundaǵy ınternet resýrstaryna kirýden bas tartyp, al ata-analarǵa balalardyń radıkaldy saıttarǵa degen qyzyǵýshylyǵyna jaýapkershilikpen den qoıýǵany jón.
