ShQO-da tergeý áreketteri onlaın rejımde júrgiziledi
ASTANA. QazAqparat - ShQO-da tergeý áreketteriniń barlyǵy ashyq kabınetterde ótip, beınetaspaǵa jazylatyn boldy, dep jazady altaynews.kz.
Kýrchatov polıtsııasynda tergeýshiler ashyq kabınetterde otyryp jumys isteıtin boldy, al barlyq tergeý áreketteri beınetaspaǵa jazylmaq.
Bul jumystardy qala prokýratýrasy polıtsııa ýchaskelerimen birlese otyryp, qylmystyq protsesti ońtaılandyrý jobasy aıasynda atqarypty.
Tergeý áreketteri ótetin polıtsııa kabınetterinde endi táýlik boıy beınejazba júrgiziledi. Ol jazba saqtalady. Budan basqa, beınekórsetilimdi qylmys jasady dep ustalǵan adamnyń týystary men jaqyndary ǵımarat foıesindegi monıtordan, al bólimshe basshylary óz kabınetterinde otyryp onlaın rejımde kóre alady.
Osy jyldyń 1 maýsymynan bastap oblys prokýratýrasy quqyq qorǵaý organdarymen birlesip, «Azamattardyń múddelerinde qylmystyq protsesti ońtaılandyrý» qanatqaqty jobasyn qolǵa aldy.
Maqsaty - qylmystyq isterdiń qaralý merzimin qysqartý, quqyq qorǵaý organdarynyń jumysyn barynsha ashyq ári túsinikti etý, - dep málimdeıdi oblys prokýratýrasynyń qyzmetkerleri.
