ShQO-da temir torǵa aıaǵyn qystyryp alǵan balaǵa qutqarýshylar kómegi qajet boldy
ÓSKEMEN. QazAqparat – Shyǵys Qazaqstan oblysy Altaı aýdanynda 7 jasar bala temir torǵa aıaǵyn qystyryp alǵan, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, oqıǵa Altaı qalasyndaǵy Jaqsybaev kóshesinde bolǵan.
Oınap júrgen bala abaısyzda aýladaǵy temir tordyń birine aıaǵyn qystyryp alyp, óz betimen shyǵara almaı qalǵan.
«Sol jerge №3 órt sóndirý bóliminiń qyzmetkerleri jedel kelip jetti. Qutqarýshylar apattyq-qutqarý quralynyń kómegimen temir tordy keńeıtip, oqýshynyń aıaǵyn shyǵardy. Sodan keıin bala birden jádel járdem qyzmetkerlerine tapsyryldy», - dep habarlady vedomstvo ókilderi.
Osy rette departament mamandary ata-analarǵa balalardy qaraýsyz qaldyrmaı, olarǵa qaýipsizdik sharalary týraly jiti túsindirý qajettigin eskertedi.
Qandaı da bir tótenshe jaǵdaı bolsa birden «112» nómirine qońyraý shalý kerek.
