ShQO-da temeki buıymdaryn zańsyz saýdalap kelken kásipkerler ustaldy
NUR-SULTAN. QazAqparat – Shyǵys Qazaqstan oblysyna temeki buıymdaryn satýmen zańsyz aınalysy kelgen kásipkerlerdiń joly kesildi, dep habarlaıdy QazAqparat tilshisi.
QR Qarjy mınıstrligi Qarjy monıtorıngi komıtetiniń Shyǵys Qazaqstan oblysy boıynsha Ekonomıkalyq tergeý departamenti qyzmetkerleri Semeı qalasynda jedel-tergeý sharalary barysynda aktsızdik japsyrmasyz jáne olardy satyp alý faktisin rastaıtyn qujattarsyz temeki buıymdaryn anyqtady.
Qoımany tekserý barysynda jalpy somasy 64,9 mln. teńge bolatyn «Zumerret», «Marble», «Captain Black blue», «Captain Black», «Omega» jáne «Max 7» markaly 295 temeki qoraby tabyldy.
«Atalǵan faktige qatysty QR QK 214 babynyń 1-b. boıynsha qylmystyq is tirkeldi. Qazirgi ýaqytta saraptama taǵaıyndalyp, tergeý amaldary júrgizilýde»,-delingen QR Qarjy mınıstrligi Qarjy monıtorıngi komıtetiniń baspasóz qyzmetiniń málimetinde.
