ShQO-da tek shetelden keletin shyrshalardy satýǵa ruqsat berildi
ÓSKEMEN. QazAqparat - ShQO-da tek shetten kelgen shyrshalardy satýǵa ruqsat berilip otyr. Al, Altaıdan nemese elimizdiń basqa jerlerinen shyrsha kesýge jáne satýǵa túbegeıli satýǵa tıym salynǵan, dep habarlaıdy QazAqparat ShQO tabıǵı resýrstar jáne tabıǵat paıdalanýdy retteý basqarmasyna silteme jasap.
Basqarma mamandarynyń aıtýynsha, ShQO-da ósken shyrshany satýǵa tıym salynǵan, sonymen birge shyrshanyń búrin de saýdalaýǵa bolmaıdy.
«Úılerin jańa jylda tiri shyrshamen bezendirgisi keletinder tek kórshi memleketterden kelgen qylqan japyraqty aǵashtardy satyp ala alady. Onyń satyp otyrǵan kásipkerdiń qolynda talapqa saı qujaty bolýy kerek»,-deıdi ShQO tabıǵı resýrstar jáne tabıǵat paıdalanýdy retteý basqarmasynyń basshysy Álisher Satybaldıev.
Esterińizge sala keteıik, ShQO-da 1 jeltoqsannan bastap ormandy jerlerge aparatyn joldardyń barlyǵyna baqylaý-ótkizý pýnktteri qoıylǵan. Alaıda bıylǵy jyly olardyń sany beseý-aq. 2016 jyly atalǵan pýnktteriniń sany 24 bolatyn. Shyrsha kesýshilerdi jedel toptar da baqylaıdy. Tártip buzýshylarǵa iri kólemde aıyppul qarastyrylǵan.
