ShQO-da tehnıkalyq qyzmet kórsetý stantsııasy janyp ketti
ÓSKEMEN. QazAqparat – Shyǵys Qazaqstan oblysy Kúrshim aýdanyndaǵy tehnıkalyq qyzmet kórsetý stantsııasynda órt shyqty, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 17 qarasha kúni saǵat 11.29-da Kúrshim aýylyndaǵy Býntovskıh kóshesinde ornalasqan tehnıkalyq qyzmet kórsetý stantsııasyn qyzyl jalyn sharpydy.
«Shatyrdyń aǵash qurylymdary órtengen. Oqıǵa ornyna dereý jetken órt sóndirýshiler jalpy aýmaǵy 130 sharshy metrdi quraǵan tilsiz jaýdy aýyzdyqtady. Aldyn ala málimet boıynsha ottyń shyǵý sebebi – elektr jabdyqtaryn ornatý jáne paıdalaný kezinde órt qaýipsizdigi erejelerin saqtamaýdan bolýy múmkin», - dep habarlady vedomstvo ókilderi.
Aıta keteıik, jalyndy óshirýge jeke quramnan 14 adam men 2 tehnıka jumyldyrylǵan.
