ShQO-da tehnıka men jabdyqtar saqtalǵan qoıma janyp jatyr
ÓSKEMEN. QazAqparat - Shemonaıha aýdanynda órt sóndirýshiler tehnıka men jabdyqtar saqtaýǵa arnalǵan jeke qoımadan shyqqan órtti sóndirip jatyr, dep habarlaıdy «QazAqparat» HAA tilshisi.
Qatty aıaz ben qoımanyń aýqymdy bolýy saldarynan órt sóndirýshiler kedergige tap bolýda, alaıda olar iri tehnıkalardy alyp shyǵyp úlgergen.
TJD-da habarlaǵandaı, órttiń shyǵýy týraly aqparat kúndiz túsken. Kásiporyndardyń birine tıesili jeke qoımanyń shatyrynan órt shyqqan.
«№28 órt sóndirý bólimi men Ýst-Talovka aýylynyń jeke órt sóndirý beketiniń qyzmetkerleri órt shyqqan jerge kelgen. 14.38-de tilsiz jaý aýyzdyqtalǵan. Qatty aıaz ben qurylym shatyrynyń aǵashtan bolǵany jaǵdaıdy qıyndatqan. Órtti sóndirýge jeke quramnyń 20 adamy men 4 tehnıka tartyldy», - dep túsindirdi Shemonaıha aýdandyq TJB bastyǵy Erik Toıbaev.
Órttiń aýmaǵy 800 sharshy metrdi quraǵan. Onyń shyǵý sebebi anyqtalyp jatyr. Eshkim zardap shekpegen.
