ShQO-da tegin dári-dármekpen qamtylǵan naýqastar sany 1,5 ese artty
«Áleýmettik medıtsınalyq saqtandyrý qory» ShQO fılıaly basshysy Ǵalymjan Ábilovtyń aıtýynsha, búgingi tańda óńir boıynsha MÁMS júıesinde saqtandyrylǵandar – 1 103 360 adam. Saqtandyrylmaǵan turǵyndar sany 260 208-di qurap otyr.
«Shyǵys Qazaqstan jurtshylyǵyna medıtsınalyq kómek kórsetýge 2022 jyly 137,1 mlrd teńge bólingen. Azamattardy ambýlatorııalyq dári- dármekpen qamtamasyz etýge 14,9 mlrd teńge jumyldyryldy. Osylaısha, oblysta bıyl dári-dármekpen qamtamasyz etilgen patsıentter sany 1,5 ese artty», - dedi Ǵalymjan Ábilov.
Osy jyldyń qańtar-mamyr aılary aralyǵynda MÁMS júıesine jumys berýshilerden, jeke kásipkerlerden jarna men aýdarym túrinde 15,5 mlrd teńge tústi.
«Qor patsıentterdiń quqyqtaryn qorǵaý boıynsha jumysty jalǵastyrýda. Resmı keri baılanys arnalary – 1406 baılanys ortalyǵy, Qoldau 24/7 mobıldi qosymshasy, www.fms.kz saıty, Saqtandyrybot Telegram paraqshasy, men densaýlyq saqtaý mınıstriniń blogy. 5 aı ishinde qor fılıalyna 17 087 ótinish kelip tústi. Týyndaǵan máselelerdi júıeli sheshý úshin tıisti jumystar júrgizilýde», - dedi «Áleýmettik medıtsınalyq saqtandyrý qory» ShQOF basshysy.
