ShQO-da taýǵa jıdek terýge shyǵyp, joǵalyp ketken qarııa tabyldy

ÓSKEMEN. KAZINFORM – Shyǵys Qazaqstan oblysynda Altaı taýlarynda joǵalyp ketken er adam tabyldy, dep habarlaıdy Tótenshe jaǵdaılar mınıstrligi.

23 shilde kúni Sredıgornoe aýylynyń turǵyny atpen jıdek terýge shyǵyp, úıine oralmaǵan. Týystary óz betimen izdeý júrgizgenimen, nátıje baıqalmady. Er adamnyń janynda uıaly telefony bolmaǵan.

Búgin Tótenshe jaǵdaılar mınıstrliginiń qutqarýshylary men polıtsııa qyzmetkerleri birlesip júrgizgen izdestirý jumystary barysynda 1939 jyly týǵan azamat Paramonovka aýylynan 10 shaqyrym qashyqtyqta, taýly-ormandy aýmaqta tabyldy.

Medıtsınalyq kómek qajet bolmaǵany habarlandy.

TJM azamattarǵa ormanǵa shyǵar aldynda týystaryna baǵyttary týraly habarlap, baılanys jáne navıgatsııalyq qurylǵylarmen qatar aýyzsý qoryn alýdy eskertedi.

Aıta keteıik, ShQO-da qaıyqtan qulap ketken adamnyń denesi tabyldy.