ShQO-da «Táýelsiz eldiń urpaqtary» atty dóńgelek ústel ótti
El Táýelsizdiginiń 30 jyldyǵy qarsańynda Óskemendegi A.S.Pýshkın atyndaǵy kitaphanada eriktiler qozǵalysynyń jetekshilerimen jáne «Jas Otan» jastar qanatynyń belsendilerimen kezdesý ótti. ShQO Jastar resýrstyq ortalyǵy uıymdastyrǵan sharanyń maqsaty – Qazaqstannyń 30 jyl ishinde jetken jetistikterin saralap, jastardy týǵan jerdiń baılyǵy men murasyn saqtaýǵa úndeý, óskeleń urpaqty patrıottyqqa shaqyrý.
«Táýelsizdiktiń arqasynda Elbasy Nursultan Nazarbaevtyń basshylyǵymen jas urpaqqa jaqsy múmkindikter bergen qýatty, turaqty jáne qarqyndy damyp kele jatqan memleket quryldy. El bolashaǵy jastardyń qolynda dep únemi aıtamyz. Sondyqtan aǵa býyn, Qazaqstannyń jas azamattaryn durys baǵytta tárbıelep, olar jetistikke jetýi úshin qoldaý bildirýimiz kerek», - dedi Jastar resýrstyq ortalyǵynyń basshysy Araılym Esimbekova.
Dóńgelek ústel barysynda jastar elimizdiń 30 jyl ishinde jetken jetistikteri týraly pikir almasty. Olardyń pikirinshe, laıyqty bilim alyp, aıanbaı eńbek etip júrgen jastar sol arqyly memleketimizdiń damýyna óz úlesin qosyp jatyr.