ShQO-da taýdan aqqan qarǵyn sý jer úı aýlalaryn shaıyp ketti
ÓSKEMEN. QazAqparat – Shyǵys Qazaqstan oblysy Altaı aýdanynda taýdan aqqan qarǵyn sý jer úı aýlalaryn shaıyp ketti, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, qutqarýshylar Altaı aýdany Orlovka aýylynda sýdyń jer úılerdi basýynyń aldyn aldy.
Kúnniń kúrt jylytyp, qardyń jyldam qarqynmen erýi saldarynan taý baýraıynda ornalasqan baý-baqshalar men 3 úı aýlasyn qarǵyn sý basty.
«Chapaev aýyldyq okrýgi ákimdiginiń jáne QR TJM 68303 bólimshesiniń áskerı qyzmetkerleriniń ýaqtyly atqarǵan jumystarynyń arqasynda turǵyn úıler men basqa da ǵımarattardy sý basý qaýpi joıyldy. Úı aýlalarynan erigen sýdy sorý, ınertti materıal salynǵan qaptardy tóseý jumystary júrgizildi. Adamdardy evakýatsııalaý qajet bolǵan joq», - delingen aqparatta.
Aıta keteıik, sý tasqynana qarsy sharalarǵa 19 adam men 4 tehnıka jumyldyrylǵan.
