ShQO-da taýar baǵasyn basqa valıýtamen kórsetken balalar dúkenine 200 AEK aıyppul salyndy

ASTANA. KAZINFORM – Shyǵys Qazaqstan oblysyndaǵy balalarǵa arnalǵan dúkende taýar baǵalary rýblmen kórsetilgeni anyqtalyp, kásipkerlik sýbektisine aıyppul salyndy, dep habarlaıdy Saýda jáne tutynýshylardyń quqyqtaryn qorǵaý departamenti.

Vedomstvoǵa dúkendegi baǵalardyń shetel valıýtasymen rásimdelgeni týraly azamattardan ótinishter túsken. Nátıjesinde jospardan tys tekserý júrgizilip, aqparat rastaldy. Keıbir taýarlarda shynymen de rýblmen baǵalar kórsetilgen japsyrmalar qalǵan.

Dúken basshylyǵy mundaı jaǵdaıdy zańnamany bilmeýimen jáne qyzmetkerlerdiń jetispeýshiligimen túsindirgen.

Ákimshilik quqyq buzýshylyq týraly kodekstiń 193-babynyń 4-bóliginde taýar baǵasyn teńgeden basqa valıýtamen kórsetý úshin shaǵyn bızneske – 6 AEK, orta bızneske – 10 AEK, iri bızneske – 30 AEK aıyppul qarastyrylǵan.

Al osy áreket qaıtalanǵan jaǵdaıda, 193-baptyń 5-bóligine sáıkes shaǵyn bızneske – 65 AEK, orta bızneske – 120 AEK, iri bızneske – 200 AEK aıyppul salynady.

- Tekserý barysynda quqyq buzýshylyqtyń qaıtalanǵany anyqtalyp, dúkenge 200 AEK mólsherinde aıyppul salyndy. Sonymen qatar, quqyq buzýshylyqty joıý týraly nusqama berildi. - delingen departament jazbasynda.

Aıta keteıik, ShQO-da qymbat metaldardy zańsyz óndirdi degen kúdikpen 19 sheteldik azamat ustaldy.