ShQO-da taý jynysy opyrylyp, shahter mert boldy
ÓSKEMEN. KAZINFORM - Shyǵys Qazaqstan oblysynda «Shyǵystúsmet» kompanııasyna qarasty Artemev shahtasynda jazataıym oqıǵa boldy. Taý jynysynyń opyrylýy saldarynan kásiporyn qyzmetkeri kóz jumdy.
Kompanııanyń málimetinshe, qaıǵyly oqıǵa 30 mamyr kúni saǵat 20:30 shamasynda shahtanyń ýchaskeleriniń birinde bolǵan.
— Taý jynysynyń opyrylýy saldarynan kásiporyn qyzmetkeriniń qaza bolǵanyn tereń kúızelispen habarlaımyz. Bul búkil ujym úshin aýyr qaıǵy. Biz áriptesimizdiń otbasy, týǵan-týystary men jaqyndarynyń qaıǵysyna ortaqtasa otyryp, kóńil aıtamyz, — delingen kompanııa habarlamasynda.
Osydan keıin atalǵan ýchaskedegi barlyq jumys dereý toqtatyldy. Qazirgi ýaqytta kásiporyn mamandary men ýákiletti memlekettik organdar ókilderiniń qatysýymen oqıǵanyń sebepteri men mán-jaıyn anyqtaý boıynsha tergeý júrgizilip jatyr.
Kompanııa ókilderi marqumnyń otbasyna qajetti kómek pen qoldaý kórsetiletinin málimdedi.
— KAZ Minerals toby basqarma tóraǵasy Andreı Tretıakov arnaıy qurylǵan komıssııa múshelerimen turaqty baılanysta bolyp, oqıǵa ornyna attanǵan.
Jazataıym oqıǵanyń barlyq mán-jaıy anyqtalyp jatyr, — delingen habarlamada.
Eske salsaq, osyǵan deıin Qaztsınktegi jarylystan zardap shekken jumysshylardyń biri aýrýhanada kóz jumǵany habarlanǵan.
