ShQO-da taý bókterinde tórt jarylys jasalyp, 6100 tekshe metr qar túsirildi

ÓSKEMEN. QazAqparat – Shyǵys Qazaqstan oblysynda taý bókterinde 4 jarylys jasalyp, 6100 tekshe metr qar túsirildi, dep habarlaıdy QazAqparat tilshisi.

ShQO Tótenshe jaǵdaılar departamentiniń málimetine súıensek, óńirde qar kóshkininiń aldyn alý sharasy Katonqaraǵaı aýdanynda júrgizildi.

«Qazseldenqorǵaý» ShQ fılıalynyń qyzmetkerleri men qutqarýshylar birlesip, jergilikti mańyzy bar «Sogornoe-Barlyq» tasjolynyń 16-shaqyrymyndaǵy taý bókterinde 4 ret jarylys jasady. Sonyń nátıjesinde, 6100 tekshe metr qar túsirildi. Kóshkin joldy tolyqtaı jaýyp qaldy. Birden joldy qardan tazartý jumystary júrgizildi», - delingen aqparatta.

Vedomstvo dereginshe, naýryzdyń alǵashqy kúnderinde oblysta jel soǵyp, aýa temperatýrasynyń jylynýy jáne jaýyn-shashynnyń mol jaýýy qar kóshkini júrý qaýpin arttyryp otyr. Sondyqtan qutqarýshylar jurtshylyqqa taýly jerlerge barmaý qajettigin eskertti.