ShQO-da tasjolda kólik qaǵyp ketken bulannyń tóli haıýanattar baǵyna jetkizildi
ÓSKEMEN. QazAqparat – Shyǵys Qazaqstan oblysyndaǵy tasjoldardyń birinde kólik qaǵyp ketken bulannyń tóli haıýanattar baǵyna jetkizildi, dep habarlaıdy QazAqparat tilshisi.
ShQO «Semeı áýesqoı avtomobılshiler qaýymdastyǵy» qoǵamdyq birlestiginiń habarlaýynsha, bulannyń tóli Ómesh asýynan tabylǵan. Ol tasjoldyń boıynda júgirip júripti.
Anyqtalǵandaı, onyń anasyn kólik qaǵyp ketken eken. Túz taǵysy qazirgi ýaqytta sol jaǵalaýdaǵy haıýanattar baǵyna jetkizilgen.
«Jabaıy ańdy haıýanattar baǵyna kirgizý úshin birqatar qıyndyq bolǵany ras. Biraq eń bastysy qazir ol aman-esen, al qalǵany osyndaǵy qyzmetkerlerge baılanysty. Bulannyń tólin tabylǵan jerine baılanysty Ómesh dep ataýdy jón kórdik», - deıdi qoǵamdyq birlestik músheleri.
